بھارتی قید میں موجود دو پاکستانی طالب علموں
کی رہائی کے بعد آج وطن واپس پہنچنے کا
امکان ہے۔اڑی حملہ میں معاونت کے الزام میں گرفتار کشمیری طالب علموں کے ورثا ان کےاستقبال کے لئے واہگہ بارڈر روانہ ہوگئے۔طالب
علم احسن خورشیدکی خالہ کاکہناہےکہ بچوں کی بے جا قید کے پانچ ماہ ہم سب کی زندگی
کے مشکل ترین دن تھے۔
ہمارے نمائندے سے گفتگوکر تے ہوئے بچوں کی خالہ نے پاکستانی حکومت کا شکریہ اداکیا اور کہا
کہ حکومت کی سنجیدہ کوششوں کی وجہ سے بچوں کی رہائی ممکن ہو سکی ہے۔ جبکہ ماموں چودھری قاسم کا کہنا تھا کہ بھارت
پاکستان دشمنی میں اندھا ہو چکا ہے۔ الزام
لگانے سے پہلے اگر تحقیقات کر لیتا تو اس
کی اتنی جگ ہنسائی نہ ہوتی۔
