وفاقی وزارت داخلہ نے نیشنل پبلک سیفٹی کمیشن
کو ازسر نو فعال کرنے کا فیصلہ کیا ہے ۔ اس سلسلے میں وزیرداخلہ چوہدری نثار نے
سیکرٹری داخلہ ، ڈی جی نیشنل پولیس بیورو اور سیکرٹری قانون کو ضروری ہدایات دے دی
ہیں۔
وزارت داخلہ ذرائع نے ہمارے نمائندے کو بتایا کہ نیشنل پبلک سیفٹی کمیشن کے کل بارہ
ارکا ن میں سے چھ کی نامزدگی اسپیکر قومی اسمبلی ایاز صادق کریں گے جن میں قانون
کے مطابق تین حکومتی اور تین اپوزیشن ارکان کو نامزد کیا جائے گا۔ باقی چھ ارکان سول سوسائٹی سے ہوں گے جن کے نام
وزیراعظم، وزیرداخلہ اور چیف جسٹس پاکستان طے کریں گے۔
2006میں قائم ہونے والے
پبلک سیفٹی کمیشن نے پولیس آرڈر 2002 کے تحت کام کا آغاز کیا تھا۔ پیپلز پارٹی کے سابقہ دورحکومت کےاختتام تک اس کے
46اجلاس منعقد ہوئے مگر موجودہ دور حکومت میں اس معاملے پر کوئی خاص پیش رفت نہ ہو
سکی ۔
نیشنل پبلک سیفٹی کمیشن کے
پاس پولیس ، ایف آئی اے ، ریلوے پولیس او ر فرنٹیر کانسٹیبلری کو احتساب کے دائرے
میں لانے کا اختیار ہونے کے ساتھ ساتھ ان اداروں کے سربراہوں کو تعینات اور برخاست
کرنے کا اختیار بھی ہے۔
